Që nga dita e marte, në studio e “Për’puthen” mungon Arjan Konomi, opinionisti i dy sezonave, kjo erdhi pasi sipas produksionit, ai kishte nevojë të merrte pak kohë pushim.
Zëvendësuesi i tij është Arjon Muça, i cili jep opinionet për lidhjet e pëlqimet që janë krijuar në emision.
Pasi dje publikoi një imazh ku dukej që është një mesazh drejtuar programit dhe ditëve që ka kaluar aty, sot vendosi të publikoi një video nga “Top Show Magazine” e vitit 2017.
“Para disa vitesh në Top Show Magazine Mungon sot një format i tillë si i Alban Dudushit që të shlodhte dhe të kënaqte në mbrëmje”, ka shkruar Konomi.
“Kisha nevojë të shkëputesha nga ajo hipokrizia, kotësia, shkëlqimi fallco, fallcitet i tërë”, thotë ndër të jera në videon e shkëputur të para disa viteve.
Se a është kjo një kunj ndaj “Përputhen”, apo për kritikët e televizionit, mbetet ta kuptojmë ditëve në vazhdim./Indeksonline/
