Gazetari e shkrimtari, Salih Kabashi u ka bërë thirrje kryeministrit Kurti e presidentes Osmani që ta shkarkojnë ambasadorin e Kosovës në Kroaci, Martin Berishaj, i cili u përfshi në skandalin në Slloveni.Përmes një një postimi në llogarinë e tij në Facebook, Kabashi ka hedhur akuza ndaj Martin Berishajt, duke e quajtur serbo-jugosllav, e që e urren Kosovën.“Ky tip i kulluar serbo-jugosllav, i ka kaluar gati katër dekada në thurje intrigash nga më të ndryshmet. Ky farë Martini nuk e ka dashur Kosovën kurrë. Kurrë. E ka urrejtë. Ama fort ia ka pasë anda paret e popullit të saj”, ka shkruar ai.
Kabashi i cili është edhe veprimtar i vjetër në Slloveni, ka thënë se për shumë kohë ambasadori, Martin Berishaj ka bashkëpunuar me trafikantë serbë e shqiptarë në Slloveni.“Ambasadorin e tashëm, për tri dekada më së shumti ke mund me e pa me trafikantë e hajna shqiptarë e serbë në Lubjanë e në Slloveni…Nuk është çudi se si ky karrierën e tij po e mbyll si një mashtrues e mafioz përmasash mbirajonale”, tregon ai.