Autoritetet serbe kanë porositur sasi të mëdha rezervash ushqimore për shkak të tensioneve mes Rusisë dhe Ukrainës – ka deklaruar presidenti serb, Aleksandert Vucic. Duke folur në një emision televiziv në një televizion serb, Vucic tha se serbia ka porositur 30 milionë kg kripë si edhe një milion kg bizele e fasule dhe 30 milionë kilogramë miell dhe qumësht pluhur.
Në një kohë kur e gjithë bota me histeri po pret që të ndodhë diçka mes Rusisë dhe Ukrainës, s’mund të rrini duke pretenduar se asgjë s’po ndodh’, ka thënë ai duke shtuar se Serbia sidoqoftë, nuk ka siguruar ende rezervat e nevojshme të karburanteve.
Serbia është një aleate tradicionale e Rusisë, ku edhe shikon mbështetësin dhe mbrojtësin më të madh të saj, dhe pak dilema do të kishte për pozicionimin e saj në rast të një pushtimi të mundshëm të Ukrainës, apo edhe në skenarin e errët që një konflikt i tillë të përhapej edhe më tej në evropë.
Serbia përgatitet për luftë / Vuçiç: Diçka e madhe po ndodh!