Luana Vjollca rrëfen momentet e sulmit të pesë “fansave” të saj, një tentoi ta dhunojë

 

Ka vazhduar edhe pjesa e dytë e emisionit “Thuaje” të prezantueses dhe këngëtares, Luana Vjollca.

Kësaj radhe, emocionale si kurrë më parë, e zhveshur nga çdo kompleks, ylli shqiptar i drejtohet publikut me mesazhe të forta duke ndarë pjesë nga historitë e saj, histori jo të bukura por që kanë lënë gjurmë në jetën e saj dhe e kanë bërë të jetë kjo që është sot.

Pas temës së bullizmit që shkaktoi shumë bujë, pjesa e dytë flet për traumën.

Luana ka ndarë me publikun rastet e përndjekjes nga ata që ajo nuk deshi t’i quante fansa, duke zbuluar se ka qenë e përndjekur nga 5 persona.

E emocionuar dhe me fjalë që i dilnin nga shpirti, ajo zbuloi njërin nga rastet më të vështira kur personi tentoi ta kapte me zor por arriti të shpëtojë.

Që nga ajo kohë ajo tha se nuk ka lëvizur asnjëherë pa mbrojtje, pasi kjo ngjarje i ka shkaktuar frikë dhe traumë të madhe.

Mes tjerash ajo zbuloi që kjo frikë e ka lënë me ditë në shtrat e me lot, por është zgjuar për të vazhduar tutje.

Luana Vjollca rrëfen momentet e sulmit të pesë “fansave” të saj, një tentoi ta dhunojë (reporteri.net)

Leave a Reply

Your email address will not be published. Required fields are marked *