Nënkryetari i Partisë Demokratike të Kosovës, Ramë Buja, tha se nuk beson në drejtësi në Gjykatën e Speciale pas bisedës që ka pasur me avokatët e ish-krerëve të UÇK-së në Hagë për të cilët thotë se janë shumë të shqetësuar.
Buja sonte në emisionin “ResPublika” në Tëvë1 theksoi se Gjykata e Hagës ka marrë mbi 300 dëshmitarë e që shumicës prej tyre, avokatët nuk ua dinë as emrat.
“Me këtë procedurë që është duke shkuar absolutisht asnjë element besimi në drejtësi nuk kam për faktin që unë kam pasur rastin që të bisedoj me avokatët e Rexhep Selimit, të Jakup Krasniqit dhe të Hashim Thaçit dhe ata janë të shqetësuar tej mase duke e thënë mes tjerash një gjë ngase nuk kanë asnjë fakt material për ta brumosur atë që ata donë ta bëjnë si aktakuzë për t’i dënuar. Ata kanë marrë mbi 320 dëshmitarë që mbi 100 prej tyre as nuk i njohin as nuk iu dinë emrat mbrojtësit, avokatët që kjo është diçka që bota nuk ka parë”, tha Buja.
Gazeta Metro – ‘Avokatët e ish-krerëve të UÇK-së janë të shqetësuar tej mase’